女朋友世界盃期間注意事項

世界盃仲有一日就開波

此項四年一度，為期一個月的活動，可以讓你和男朋友發生許多奇妙和不可預計的事

人人也要知小小最起碼的知識：

1. 今年世界盃在德國舉行

2. 比賽時間在晚間至凌晨舉行

3. 今年最有機會拿冠軍分別有巴西，荷蘭，英格蘭和你男朋友支持的隊伍

4. 英格蘭球星係有碧咸，但如果你話俾男朋友知，你鐘意林伯特或謝拉特，你男朋友最小覺得你鍾意佢，唔係因為你男朋友靚仔，而係你男朋友有實力，另類選擇是英格蘭前鋒高治，你話俾男朋友知你鐘意高治因為佢得過高字，你男朋友會笑得很愉快~

5. 請不要說 "都唔知點解，十幾個人追住個波走泥走去"，男朋友一聽絕對會發火，小心

6. 往後一個月，男朋友只會記得今晚同聽晚場波開幾點同邊隊對邊隊，不要在此其間考他記性，例如，問男朋友記唔記得六月份的一天是什麼日子，就算o個日係你地拍拖紀念日，也請不要問，因為如果他答你 "十點鐘，巴西對荷蘭!"，多麼傷感情!

7. 雖然是委屈了你，但四年一度，請你原諒，你最想見到男朋友的時間，通常就係開波既時間，你男朋友會出力安排時間，四年一度，你就一就他吧

8. 如上題，你最想和男朋友傾電話的時間，通常亦就係開波既時間

9. 如果，你男朋友興高釆烈和你講一大堆外籍人名，戰術分析和專業術語，再加上事後孔明和馬後炮，四年一度，聽他說說吧，不明白也不用問，因為佢都唔知自己講咩，你只要聽完給他一個 "你好叻喔" 的表情，世界盃後你會有美妙回饋

10. 你見到男朋友的時候，佢都係未睡醒的，不用問侯他，世界盃後自然會好

11. 如你男朋友支持的球隊出局，也不用太擔心他，四年一次，他支持的球隊都會出局，他習慣了的
12. 如果你男朋友賭波的話，我就不知怎辦，因為我唔賭既